حلوة العرايش الجزائرية بالطلية
حلوة عرايش بالطلية من الحلويات الجزائرية التقليدية الخاصة بالأعراس وهي من أحب الحلويات على قلبي.
اليك عزيزتي مكونات الوصفة مع الشرح.
طريقة عمل العرايش
اليك مكونات وطريقة تحضير عرايش بالطلية فيما الآتي:
مكونات العجينة
3 كيلات فرينة.
كيلة ايدام.
قرصة ملح.
ماء الزهر .
ماء .
طريقة تحضير العجينة
3 كيلات فرينة و كيلة ايدام نفيضوها شوية و لازم يكون بارد ( ممكن تديروهم بالزبدة لكن بزاف يستخدمو السمن فقط ) قبصة ملح و نلم بالماء و المزهر . العجينة ما تتعجنش تتلم فقط لازم تكون طرية نوعا ما و نخلوها ترتاح ترتاح في كيس بلاستيك باش تسهل علينا الخدمة.
مكونات الحشو
3 كيلات لوز او كاوكاو مرحي.
كيلة سكر ناقصة شوية.
شوية قرفة .
ماء الزهر .
طريقة تحضير الحشو
3 كيلات لوز او كاوكاو مرحي ( نحمصو شوية برك فالفور باش يتلق النكهة ديالو) كيلة سكر ناقصة شوية، القليل من القرفة و نلم بماء الزهر. العجينة لازم تكون طرية و شادة روحها في نفس الوقت. كي يطيبو العرايش لازم يكون لون ذهبي فقط ملزمش يتحمروش بزاف.
مكونات الطلية
السكر قلاصي ( رطب ).
بياض بيضة.
مغرفة كبيرة عصير الليمون.
مغرفة كبيرة ماء الزهر.
ملعقة زيت عباد الشمس.
طريقة تحضير الطلية
في إناء ضعي السكر كلاصي وبياض بيضة وقليلا من عصير الليمون ديرو مغرفة كبير، ماء الزهر نفس الشي مغرفة كبيرة ( مغرف كبيرة شاربات ) و ملعقة زيت عباد الشمس (باش تجي الطلية لامعة و تجي طرية) و الملون. الملون غير بلعقل باش ما تهربش يدكم و تحصلو.
و نبدا نضيف في السكر قلاصي تدريجيا حتى نتحصل على القوام المطلوب ماتكونش جارية و ما تكونش ثقيلة دايمن نجربو في حبة و نشوفو. كي تكون خفيفة بزاف نزيدو السكر و كي تكون ثقيلة بزاف نضيفو ماء الزهر أو القليل من عصير الليمون.
اطلي العرايش بالطلية و زينيها بالعقاش و بعد ساعة زينيها بخطوط الطلية الملونة ثم دعيها تتماسك ليلة كاملة لتجف الطلية.
بالصحة والهناء أتمنى أن تنال اعجابكن.
إرسال تعليق