مواضيع الشاوني مواضيع الشاوني
random

آخر الأخبار

random
random
جاري التحميل ...

ها شنو وقع ليا مع بنت عمي الجزء الثاني

ها شنو وقع ليا مع بنت عمي الجزء الثاني

------------------------

ها شنو وقع ليا مع بنت عمي الجزء الثاني


سلام أنا خالد لي درتها قد راسي

 وشحال أونا بغي نعاود ليكم تتمة القصة ديالي 

قلبي عمار و محتاج نخويه ليكم ، 

المهم من بعد سيمانة من كارثة لعملت 

وليلى مبقاتش كتهدار معايا ، 

عيت منحاول ولكن فكل مرة كانت كتسود عليا باب 

ومزعمتش نمشي عندها ندار حيت مخلوع بزاف 

معرافتش واش عمي و مرتوا واش 

عرفو بهذ شي ولا مزال وخفت لا تشوفني 

و دير شي ردات فعل لي عتثير شوبهات 

خليتها فقلبي و سكت، 

ولكن كانت بحال جمرة كتحرقني 

وكنحس بصدري كيتزيار عليا 

مبقيتش كنعاس بليل وهذ شي داغيا بان 

ندرجة الوليدة لحظتو وبدت كتخلاع عليا 

حسيت بيها بحالا عيقا بيا 

ولكن ممتأكداش كنحاول غير منبينش او صافي ، 

عرفتو شنو لي خايب بزاف فقصة كاملة

وكيجراحني بشكل خيالي 

هي ديك نظرة ديال ثقة لي كنشوفها فوجه عمر

 واخا عمي مبقاش كيجي عندنا هو مزال كيزورنا كل نهار

 من بعد عرس ملي تلاقينا كان فرحان 

حيت مشاا نعرس وباقى فيه الحال حيت ممشيتش

 انا وليلى بقا كيعاود ليا على العرس

 وهو فرحان أو عجبو الحال وكيقوليا 

عرفتي شنو زكلتي

 كانو شي بنات من عائلة العروسة 

قرطاسا وحتجيتك أصاحبي تكون معايا تزاعمني 

هو كيهدار أو انا كنحاول منشوف ليه فعينيه

 وفداخل ديالي كنضارب مع راسي ،

 نقوليه لا بلاش معرفش كيفاش غادي يتقبلها ،

 وفأخير مكنزعمش نصرحوا وهذ شي كيزيد إثقال عليا 

وفويكاند لي من بعد ديك شي لوقع

 اتصل بيا عمر وقالي بلي غادي إجي ادوز معايا الويكاند

 فدار بقيت ساكت تجمدت فبلاصتي

 وقلبي كيضراب ،و لساني فشل عليا مبقيتش

 قادر نخارج الهضرة قولت ليه معنكونش

 فدار غادي عتبقى بوحدك مع الوليد

 والوليدة وختك ليلى إذا جات معك

 جاوبني وقالي واش مسطي فين 

عندك فين تمشي بسلامة وعندو صاح معندي 

فين نمشي عرفت راسي غادي غير غادي نزيد 

نغارق راسي أو نحصل ديرت براسي بلي 

غادي نخوي بواحد ولد كيقرا معايا كنت 

وعدتو هذ كذبة تقدار دوز تيقني و عجبو الحال 

ولكن أنا معجبنيش، عمر خويا كتار من صحبي 

حشومة نضحك عليه وهذ مرة دازت الكذبة 

ولكن حتى نئيمتى عنبقى مخبي هذ شي و حتى 

إذا بقيت مخابيه غادي نبقى كذبة 

على كذبة وفنهاية غادي تعراف بأسوء طريقة 

خصوصا أنا عمر مغاديش يحملني إذا 

عرافها مأخر قررت نقولها ليه من 

نكونو انا وهو راس فراس اللهما نصبر 

على دقة و نحاول نصحح خطأ لي ديرت جا عندنا 

عمر فوقت العشا لقنا مجموعين على طبلة 

أو كنتعاشوا سلم علينا و كلس معنا ، إوا الوليد 

سولو فين ختك ليلى شوفتها مبقاتش كتجي 

معك من وقت العرس ، هذ سؤال من سمعتو 

بقيت نقول صافي عيوقع أسواء احتمال فبالي 

عيعرفوه بأسواء طريقة قاليه عمر 

مريضة شوية أعمي معرفتش ملها مبقاتش 

كتكلس معنا ديما سدا عليها فبيت عمر كيهدار 

و كيشوف فيا شي شوفت متيقن من شكوك 

ديالو عرفتو حس بشنو واقع وتأكدت

ملي مزادش شي كلمة من بعد بقا غير 

إشوف فطوبسيل ديالو و كيتفدا إشوف فيا 

ملي دخلنا نبيت متكلمناش جبت ليه 

غطاء و كل واحد كلس فجهة ، كانت هذي هي فرصة 

خصني نصرحو بحقيقة ونتحمل المسؤولية 

على ديك شي لديرت ، تكلم عمر قاليا خالد انا خوك 

قول ليا ملها ختي ليلى واش فخبرك شي حاجة ،

بصح ديك شي لي قال عمي من ليلة ديال العرس 

و نتما بجوج متغيرين كنتو مزيانين مع بعضيتكم

 شنو واقع ، فجأني و انا عاد كنفكر كيفاش 

عنجبد معه الموضوع ، بقيت كنتلاعثم فهضرة

 حاولت نمثل ولكن مقاديتش حسيت براسي 

وصلت نحد الاقصى ديال كذب صافي خصني 

نحبس هذ الكذب ، جوبتو اه كاين واحد مشكل 

أخويا عمر ولكن معرفتش كيفاش غادي نبدا 

ولكن خصك تعراف صراحة بقيت 

كنعاود ليه أش واقع ديك ليلة ،او قلت له 

و دابا ليلى مبقاتش كتجوبني بقا ساكت 

وشد فراسو و كيقول ليا ميمكنش لا

 متقولهاش الخالد نتا أخالد تجي من عندك 

نتا طعاني فضهري أصاحبي والله مكانش الليل 

هذا و حنا فداركم حتا كنت ندير فيك شي حاجة 

خايبة هذ ليلة هذي ، تعاصب بزاف وبدا كيترعد ، 

فديك الوقت مكرهتشي نخشي راسي تحت 

الأرض بحال نعامة أو نتخبا مشيت حداه 

نشرح ليه الموقف ديالي ،فهذيك اللية واخا 

ديك شي مكانش سهل عليا ولكن بحالي ملي 

صافيت نيتي تيسرات ليا الأمور ، مجيا ديال 

عمر باش ادوز معنا الويكاند فدار هي لي

 مخلاتوش ادير ليا شي شوهة حيت هو كيحترم

 الوليد او ميبغيش افيقو على هذ الخبر ،

 وحتى الوقت لي جا فيه و لقانا كنتعاشو 

بحالي هذاك العشا و سؤال ديال الوليد هما 

لمهدو ليا شويا طريق باش نقدار نصرحو 

كلست حداه و قلت ليه الحاجة الواحدة لي

 انا متيقن منها عمر نتا راك عارف قيمة 

ديالك عندي نتا و ليلى وأنا كنعتارف غلطت

 و من حقك متسمحش ليا ، ولكن تأكد من حاجة 

واحدة انا كنبغي ليلى بزاف أو مناويش 

نضحك عليها ، شاف فيا مصدوم و قال

 ليا دابا غير حايد من حدايا ديك شي

 لي ديرت خليتو إدوار الهضرة في 

دماغو ويتهدن شويا ، والغد ليه كان 

الأحد أو منعاسناش كانت أطوال ليلة فحياتي

 وبقينا بجوج غير ساكتين أو كنشوفو فسقاف ، 

غير بدات كطلاع شمس دار عندي عمر وقال

 ليا دابا لوقع وقع واخا مزال ممستوعبش هذ شي ،

 ولكن خصنا نفكرو مزيان أو بعقل كيفاش غادي

 نقولها ندار واش فكرتي نتا فهذ شي كامل أنا

 مكونتش متوقع أنه داغيا غادي يبدا إفكر فالحال ،

أنا سيمانة كاملة أو مزال مهدارتش مع ليلى ،

 قولتلو غير من صرحتك بعدا بالنسبة ليا أنا راه 

إنجاز كبير حيت مكانتش سهلة عليا بقا ساكت

 او ناض جمع حوايجو ومشاا ندارهم ، 

أو من رجاع ندار كنت خايف إدير شي 

شوهة نختو ولكن الحمد لله مكونتش كنتوقعو 

عيتفهم الحالة ديال ختو نهذ درجة 

أو ميقول ليها حتى شي حاجة ، 

بالعكس واقف فصفها هذ المرة ، أو من بقيت بوحدي 

بقيت نقول أناري شنو ديرت عاد 

بديت كنستوعب الوضعية كتار وفهمت 

شحال غرقت راسي ،مخرجت من بيتي 

هذاك النهار بقيت غير كنفكر كاين حال 

واحد هو نقولها نالوليدة تشجعت نصرحها 

أو نرتاح ولكن لا مقديتش قولت مع راسي 

راه نقدرو نبقاو مخابينها غير بينتنا غير أنا 

و عمر و ليلى حتى نكبرو و نكونو واجدين 

عاد نعلموهم ،أح راسي غادي يتفلاق عيت 

نفكر وهذ شي خصو ينتهي فأقراب وقت ، 

و قررت نمشي عند ليلى ندار ولي 

بغا يوقع يوقع ، هذاك نهار جمعت شجاعة 

ديالي ومشيت عندها ندار ملي دخلت حل 

ليا الباب عمر و الملامح ديالو مكتعبر على 

والو دخلت و قلبي كيضراب بخلعة، لقيت 

عمي و مرتو فصالون بوحدهم مشيت سلمت 

عليهم أو خايف إكونو عارفين ولكن ملي شافوني 

بتسمو رتاحيت بقا فيهم الحال حيت غبرت عليهم 

واخا دار قريبة المهم سولت مرات عمي واش كاينة 

ليلى قالت ليا راها فبيتها ولدي 

مبقاتش كتخروج منو مشي شوف مالها عفاك 

نتا لي غادي تعراف ليها فرحتني 

هذ الجملة واخا راني عرفهم 

غادي يتقلقو مني بزاف ملي غادي يعرفو أو 

غادي نطيح من عينيهم ولكن 

على الأقل راهم عارفين شحال عزيزة عليا بنتهم ، 

و مشيت نغرفة ديال ليلى أو دقيت 

عليها ملي فتحت ليا الباب أو شافتني تصدمت أو 

تعاصبت بقات كتغاوت عليا و كتقول 

ليا أش جابك نعدنا مزال عندك الوجه خافت 

اسمعونا دار ، و دفعتها نداخل 

او سديت علينا الباب قولت ليها غادي غير 

نقول ليك جوج كلمات جوج كلمات .


لمتابعة الجزء الثالث


اضغط هنا

عن الكاتب

محمد الشاوني

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مواضيع الشاوني